Босна и Херцеговина избира нова власт.

На 4 октомври во БиХ ќе има општи избори. Граѓаните ќе избираат вкупно 518 функционери. Право на глас имаат околу 3,4 милиони луѓе.

БиХ има многу сложен политички систем. Државата ја води претседателство со три члена. Еден член е Бошњак, еден Хрват и еден Србин. Земјата има и два дела: Федерацијата и Република Српска. Овој систем е создаден со мировниот договор од 1995 година.

Овие избори имаат и една важна новина. За првпат се користат скенери за ливчињата. Гласачите се проверуваат со биометриски уреди. Државата набави 6.000 скенери и 6.000 уреди. Целта е да се спречат измамите при гласањето.

Изборната кампања трае до 3 октомври наутро. Аналитичарите велат дека во кампањата доминираат етничките поделби. За економијата, за училиштата и за ЕУ се зборува малку.